Bar Snob

Edilcarani

Mé e i mē fradē in curtil, cunteint fra i fior aransòun

Quī che nöster nôn al cùreva cûn tanta pasiòun

Guai tucheregh i gerani, al rôsi e žugher a balòun.

Drē, la rameda rusneinta e matûnēli in tôt i cantòun.

Sôt al cachi, lé dal dàndêl, tôt culurē in pusisiòun

Prount per la foto, vistī d’la festa, in mês’al pulvròun:

L’é Polvra nigra cl’as môcià sui davansē, insêma i balcoun;

Sirena, trambôst e sôvra la Fûsétà operai in prûcesiòun

‘Na Növla bsunta ed nafta, scuresa ‘d càmiòun

Sbôfà e la’s rampa, pó la casca dentr’i pàlmòun.

Tôt testa bāsa a lavurer: ché counta sōl la produsiòun.

Sasòl l’as vanta, nêsa: pina’d sold e vléin da fēr imprésiòun. 

Edilcarani

Io e i miei fratelli in cortile, contenti fra i fiori arancioni

Quelli che nostro nonno curava con tanta passione

Guai toccargli i gerani, le rose e giocare a pallone

Dietro, l’inferriata arrugginita e mattonelle ovunque

Sotto al cachi, lì dal dondolo, tutti colorati, in posizione

Pronti per la foto, coi vestiti della festa, fra il polverone:

É polvere nera che si accumula sui davanzali, sopra ai balconi;

Sirena, trambusto e sopra la Fossetta operai in processione

Una nuvola unta di gasolio, scorreggia di camion

Sbuffa e si arrampica, poi cade dentro ai polmoni.

Tutti a testa bassa a lavorare: qui importa solo la produzione.

Sassuolo si vanta, livida: piena di soldi e veleno da fare impressione.